طريقة تعلم صيد "السبيطي"

السلام عليكم ورحمة الله وبركاتة



الــســبــيــطـــي
الأسم العلمي: Silver seabream
نبذة بسيطة:-
جسمه رمادي فضي والظهر ازرق فاتح يصل طوله لأكثر من 70 سم وغالباً من 40 الى 60 سم وهو من الاسماك الممتازه لاهل الكويت
ويعتبر من أسماك الدرجة الأولى ويمتاز بوفرة لحمه ومن الاسماك الحذرة ويتفاخر الحداقه عند صيده ولصيده اوقات واماكن فالوقت قبل الفجر لما تثبر المايه ويتم اصطياده بالمشبك ايضاً ، وحضورة الى الشاطيء يحتاج هدوء وغالباً ما يقترب من الشاطيء في موسم البوارح بحثاً عن خبايا الشاطيء التي تظهرها امواج الرياح الشمالية التي تحدثها البوارح والسبيطي يتواجد على هيئة روس (مجموعات).
اختلف الناس في التمييز بين السبيطي والمزيزي
البعض يقول ان السبيطي هو الأكبر حجما والمزيزي هو الصغير
والبعض الأخر يقول ان المزيزي هو الذكر والسبيطي هو الأنثى.
السبيطي وباقي الأسماك تتزاوج مرة واحده في السنه
بوجود عدد من الإناث بمكان واحد ولا يوجد ذكر
أكبر سمكة تتحول الى ذكر بغرض التزاوج والعكس صحيح.
يتحول المزيزي الى سبيطي للتزاوج ، فتتغير ملامحة ويعرض جسمه ويصبح الرأس دائري الشكل
طريقة الصيد:-

طرق صيد السبيطي كثيرة..منها :
الحداق .. العده .. المشبك .. التشخيط .. الصيد بالمسدس
قياسات الخيوط والميادير المستخدمه لصيد السبيطي:-
الخيوط :-
من 40 إلى 70
الميادير :-
03/04/05
8/7/6
الوان الخيوط :-
الرمادي..الأبيض..الأحمر..الأخضر..الأزرق..الأص فر أو الذهبي
الييمة المفضلة:-
كل ييمه طريه تنفع حق السبيطي
لاتفكر تحدقله بييم بايت عشان لاتضيع وقتك عالفاضي
احسن ييمه حق السبيطي (مصران الدياي)
و..الزوري والميد.الايواف.السلس.صلاخة الحاقول والدويلمي والوحر.العوم.العجينة.الخبز.
طريقة الصيد (اذا ضرب عليك سبيطي شنو تسوي) :-
السمجه الكبيره ماتنلشط
اذا فكرت تلشط السبيطي راح يخاف ويروح منك
اذا ضرب السبيطي ممكن يتل الخيط بسرعه
بهالحاله انته لازم تعطيه شوي بعدين تسحبه..عشان يطقة الميدار عدل.
وفي حالة ثانية انه يسحب الييمه شوي شوي..انته هني امسك الخيط عدل ولاتعطيه كلش..عشان يحوشه الميدار وتصيده
اذا ضرب سحبه شوي شوي ووادعه..موتعطيه الخيط عشان مايقص..واذا قرب عند الطراد وبتحطه باليزه..لاتحطها بالماي لانه السبيطي اذا شابها بيطير بالخيط ويمكن يقص..
طريقة الصيد باللفاح والتشخيط :-
يمكن صيد السبيطي بالميرور
وطبعا مايصير تشخط حق السبيطي بغزر
تقدر تشغطله بالرقوق مثل الحيشان والدفان والفنطاس وعند الأسياف..
ميارير السبيطي كثيره..
احسن الميارير اللي تكون الوانها مايله الى اللون الفضي والشديدة اللمعة
ولازم يكون الخيط حجمة صغير مايزيد عن الـ50
وحتى حجم الميرور لازم يكون صغير نسبيا
أفضل الأوقات لصيد السبيطي:-
13 و 14 و 15 من الشهر العربي
أول الرشة..ماية الفجر والمغرب


منقوووووووووووووول